Xaalada Guud Ee Somalilnd Maanta

Maanta oy tahay taariikhdu tahay 31-ka July 2024, Somaliland ayaa markhaati ka noqotay dhacdooyin kala duwan oo saameyn ku yeeshay dhinacyada siyaasadda, dhaqaalaha, iyo arimaha bulshada. Wararka ka soo baxaya Dhacdooyinkan ayaa muujinaya xaaladda isbeddelaysa ee ka jirta gobolka, iyo sidoo kale dhibaatooyinka iyo horumarka ay bulshada Somaliland la kulantay. Warbixintan ayaan ku eegeynaa dhacdooyinka ugu muhiimsan ee maanta ka dhacay Dalka Somaliland, iyadoo aan si qoto dheer u falanqeyn doono dhacdooyinkan iyo saameynta ay ku yeesheen mustaqbalka siyadeed iyo dhaqaale ee Somaliland.

Xiisadda Siyaasadeed ee Gobolka Sool

Xiisad cusub ayaa ka soo korodhay gobolka Sool, halkaas oo ciidamada Somaliland iyo maleeshiyaad degaanka ah ay isku hor fadhiyaan oog. Xiisaddan ayaa soo bilaabantay ka dib markii ay maleeshiyaadka ay soo galeen  deegaanka diideena inay ka baxaan dhulka ay gacanta ku hayaan, iyagoo ka soo horjeestay qorshe dowladda Somaliland ay ku doonayso inay ku sugo ammaanka gobolka in kastoyna wax dagaal ahi ka socon hada gabi ahaanba gobolka sool.

Xukuumadda Somaliland ayaa ku eedeysay kooxahan inay yihiin kuwo taageero ka helaya dhinacyo ka baxsan Somaliland sida kooxda all-shabaab, oo doonaya inay gobolka ka fuliyaan fowdo iyo jahwareer. Si kastaba ha ahaatee, hogaamiyayaasha degaanka ayaa sheegay in ay difaacayaan xuquuqda ay u leeyihiin dhulkooda iyo gobolkooda, iyagoo sheegay inay diyaar u yihiin inay la xaajoodaan dowladda, balse aanay diyaar u ahayn inay ku wareejiyaan hubkooda iyo dhulkooda toona.

Kulanka Biixi iyo Wakiillo Caalami ah

Madaxweynaha Somaliland muuse Biixi Cabdi , ayaa maanta kulan muhiim ah la yeeshay wakiillo ka socda Midowga Yurub iyo Qaramada Midoobay, kuwaas oo ujeedkoodu ahaa inay ka wada hadlaan xaaladda siyaasadeed ee Somaliland iyo doorka caalamka ay u leedahay Somalilnd ee taageerada nabadda iyo horumarka dalka. 

Kulan kani ayaa sida la sheegay daarana sidii loo xoojin lahaa xiriirka Somaliland iyo beesha caalamku ay wada leeyihiin, iyadoo madaxweyne Biixi uu carabka ku adkeeyay muhiimadda ay leedahay in Somaliland la aqoonsado, waayo buu dhahay waa meel aad muhiim u ah waana dal nabad ah oo ku naaloonaya dimoqraadiyad iyo xasillooni, taasoo ku dayasho mudan in la tix galiyo oo la aqoonsado dalka Somaliland oo ah dal madax banaan mudo 33 sanno ah.

waxa uu madaxweynahu aad ugu sharaxay madaxdii u timid muhiimada ay leedahay somaliland oo ay u leedahay dhamaan caalamka, Waxa uuna yidhi waa dal ku yaal bogcad aad iyo aad muhiim u ahoo ay maran dhaqaalaha u kala goosha badi caalamka waana wadan amaana oo mudo 33 sanno ah si amaan ahna xilka madaxweyne loola kale wareegay halka ay wali wadamada jaarku ay la daalo dhacayaan amaankooda iyo inay si xora ula kala wareegaan madaxtinimada, saasoy tahay Somaliland maaha in indhaha uun lagu eego waayo buu yidhi waxa ay hoy iyo hormuud u tahay nabad gobolka Geeska Africa waa khasab in la aqoon sado oo la tix galliyo wadankan hormuudka ka ah dimuqraadiyada iyo xasiloonida iyo waliba amaankaba (Somaliland)

Suuqa Dahabka Hargeysa oo Kor U Kacay

Maanta,oo ay taariikhda tahay 31 luuliyo 2024, suuqa dahabka ee magaalada Hargeysa ayaa markhaati ka noqday sicir-barar xooggan, taasoo keentay in qiimaha dahabka uu si weyn kor ugu kaco maalmihii u danbeeyay. Ganacsatada dahabka ayaa sheegay in kororka qiimaha uu ka dhashay sicir-bararka guud ee dalka iyo saameynta ay ku leedahay qiimaha doolarka oo kor u kacay halka shilinka uu hoos u dhacay.

Dad ka mid ah dadka ku nool Hargeysa ayaa sheegay inay ka cabsi qabaan in uu si kordho sicir bararka, maadaama qiimaha dahabka uu yahay mid si joogto ah u kordhaya. Sidoo kale, waxaa la sheegayaa in suuqa madow uu si xawli ah u kordhayo mudooyinkii dambeeyay, taasoo caqabad ku noqon karta ganacsiga rasmiga ah ee dalka somaliland.

Shirka Dhaqaalaha Somaliland oo Lagu Qabtay Hargeysa

Maanta magaalada waxa Hargeysa lagu qabtay shir ballaaran oo looga hadlayay dhaqaalaha Somaliland iyo sidii loo horumarin lahaa. kaaba yaasha dhaqaale Shirka ayaa waxaa ka soo qaybgalay masuuliyiin ka tirsan xukuumadda, ganacsato, iyo khubaro ku xeel dheer arrimaha dhaqaalaha kuwaas oo raba in ay xasiliyaan dhaqaalaha.

Shirka ayaa waxa lagaga waramay sidii loo xoojin lahaa maalgashiga gudaha iyo kan dibadda, iyadoo sidoo kale la isla gartay in la abuuro jawi ganacsi oo ka caawin kara ganacsatada yaryar inay horumariyaan ganacsigooda. Madaxweynaha dalka Somaliland, Muuse Biixi Cabdi, oo shirka khudbad ka jeediyay, ayaa carabka ku adkeeyay in xukuumaddiisu ay ka go’an tahay inay abuuraan fursado shaqo oo cusub oo loo sameeyo dhalin yarada aan hayn wax shaqo ah, si loo yareeyo shaqo la’aanta.

Shirkani waxa sidoo kale lagu soo bandhigay qorsheyaal cusub oo lagu horumarinayo kaabayaasha dhaqaalaha, gaar ahaan wadooyinka, korontada, iyo biyaha, si loo xaqiijiyo kobaca dhaqaalaha Somaliland ee mustaqbalka si wadanka uu u noqdo mid leh awood dhaqaale oo isku halyn leh, shirkani oo sidoo kale waxa lagaga hadlay sidii kor loogu qaadi lahaa kaabista iyo taageerista ganacsatada dalka waayo ganacsiga ayaa ah kaabe dhaqaale oo muhiim ah.

Isku soo duuduub Maanta oo kale, Somaliland waxay la kulantay/kajira dhacdooyin kala duwan oo muujinaya isbeddelada ka socda gudaha iyo saameynta ay ku yeelan karaan Soomaaliland.Waxaana ugu waaweynaa Xiisadaha gobolka Sool, kulanka madaxweyne Biixi, sicirka dahabka, iyo roobabka waawayn oo ka da'ay ayaa ka mid ah dhacdooyinka ugu waaweyn ee maanta ka dhacay Somaliland. 

Sidoo kale, sicir-bararka suuqa dahabka Hargeysa iyo shirka dhaqaalaha Somaliland ayaa muujinaya sida ay isugu xiran yihiin arrimaha siyaasadda, dhaqaalaha, iyo bulshada Somaliland.

warkani ayaa ka tarjumaya xaaladda isbeddelaysa ee Somaliland, waxayna u baahan yihiin in si dhow loola socdo si loo fahmo halka ay u jiheysan yihiin xaaladahaas. Bulshada Somaliland ayaa u baahan in ay kaashadaan isku duubni, wada shaqeyn, iyo qorshe cad oo lagu hagi karo mustaqbalka fog ee dalka.